Atersadenn Erwan Vallerie da welet.

Gant Rannvro Breizh zo bet roet lañs d’ar raktres Bretania ha gant ar gevredigezh Bretagne Culture Diversité/Sevenadurioù e vez lakaet da vont en-dro.

Dielloù (350 000 renablet e miz mezheven 2014 !) a denn d’ar sevenadur ha d’ar glad ac’h a d’ober teñzor Breizh  a vez miret ha skignet gant tud oberiant en ur rouedad bras.

Unanet eo ar berc’hennien-se dre ar porched Bretania, a ro moaien deoc’h da furchal an holl zielloù war ar memes tro.

Setu boulc’het gant ar gouarnamant koulz adaozañ an implij-amzer skol.

D’ar strollegezhioù lec’hel eo bremañ da renkañ, hervez o c’hoantoù, an doare da zegemer ar vugale a vez dindan o c’hiriegezh, goude ar prantadoù-skol.

Diwar intrudu Bretagne Culture Diversité / Sevenadurioù eo bodet darn vrasañ an hentadoù-studi divyezhek, kevredadoù an dañs hag ar sonerezh e Breizh, an Tiez-bro, dilennidi ha tud e karg eus kevredigezhioù, ha ganto holl  eo bet soñjet e vefe ar prantadoù-se un digarez a-zoare da gas danvez Breizh d’ar skolidi.

Rak e-mesk aozadur nevez an amzer-skol, e vo posupl e gwirionez kinnig stalioù-labour liammet gant sevenadur Breizh : c’hoarioù Breizh, istor, sevenadur, kontadennoù, dañsoù, sonerezh, gouren, broderezh, kan, arzoù plastek…

O labourat emañ neuze ar strollad TAP Breizh evit kas war-raok sevenadur Breizh e-mesk ar strollegezhioù. Kinnig a ra neuze BCD Sevenadurioù renabliñ an holl ezhommoù, da c’houzout pezh emaint o c’hortoz kaout a-fed sevenadur Breizh, hag ivez renabliñ an oberiantizoù kinniget, evit ma vefent aesoc’h da dizhout e pep korn ar vro.
[bloc-noir]

Dav eo deoc’h aozañ oberiantizoù war ar mareoù troskol en ho kumun pe ho kumuniezh kumunioù, da geñver adkempenn al luskoù-skol.

Emaoc’h o klask aozadurioù prest da ginnig deoc’h oberiantizoù ober anaoudegezh gant ar sevenadur ar vro, he yezhoù, he glad.

Kinnig a reomp deoc’h un daolenn e-lec’h ma vez renablet oberiantizoù kinniget e Breizh.

[/bloc-noir]

[bloc-gris]

Oberour sevenadurel oc’h, un den a dra, barregezhioù war dachenn ar sevenadur hag ar glad e Breizh zo ganeoc’h. Prest oc’h da ginnig oberiantizoù war ar mareoù troskol, ha c’hoant zo ganeoc’h e vefe gouezet.

Lakaat a reomp en ho kerzh un teul aes da leuniañ. Ha gant an titouroù bet dastumet e vo klokaet an daolenn war hol lec’hienn.

[/bloc-gris]

Penaos diforc’hañ Breizh-uhel deus Breizh-izel ?