Pempvet abadenn Becedia, skol-veur war vale savet gant BCD/S, zo bet dalc’het e Ti ar Vro Treger Goueloù d’ar Sadorn 1^añ a viz Meurzh e Kawan.

 Displegañ penaos eo bet mestroniet ar festoù gant ar pennoù-bras (politikel ha relijius) a-hed an amzer a oa pal an abadenn.

Gant Marc Clérivet, kelenner titlet war ar sonerezh hengounel (kan, dañsoù ha sevenadur, ha stummadur war ar sonerezh) e Skolioù-soniñ Meurgêr Brest (CRD) ha Meurgêr Roazhon (CRR), e oa bet boulc’het ar gaoz ha displeget penaos zo bet klasket ingal, gant an dud a iliz, bezañ mistri war ar festoù, ha war ar modoù da zañsal peurgetket.

Gant Patrick Gourlay, kelenner war an istor-douaroniezh, zo bet graet anv deus beajoù ar brezidanted : penaos e veze aozet ar beajoù-se er broioù, petra ’veze goulennet ober gant tud ar broioù-se, petra ’faote d’ar Stad… Beaj ar prezidant Edgar Faure e Breizh e 1896 zo bet lakaet da skouer.

Hirie e tigresk ster lidañ ar gouelioù, pa glask muioc’h-mui an dud ur blijadur dezhe o-unan. Sell aze pezh zo bet displeget gant Benoît Careil, rener Adrenaline, ur gevredigezh tud hag a stourm evit ma vije meret gwelloc’h ar festoù.

Evit echuiñ eo bet Julien Cornic, kenurzhier Ti ar Vro Treger Goueloù, o kontañ, diwar e skiant-prenet, peseurt diaesterioù a zo kement skoilhoù war hent aozourien ar festoù : reoladoù ofisiel, redioù hervez lezenn, kiriegezhioù a-bouez, lezennoù…

Komzoù dedennus-bras zo bet da heul etre ar selaouerien hag ar brezegennerien.

Echuet eo bet an abadenn gant ur fest-noz war plañchod sal ar gouelioù, ha diskouezet zo bet, gant perzhidi zo, e oant kanerien a-feson !

Un 3e galv da raktresoù zo embannet gant Rannvro Breizh evit kas war-raok raktresoù sevenadurel hag arzel hag a lakay tud etre 15 ha 29 bloaz e-kreiz ar jeu.

Pal an 3^e galv-se, embannet gant Rannvro Breizh e-barzh he folitikerezh evit ar sevenadur, eo sikour ar raktresoù sevenadurel hag arzel evit re yaouank etre 15 ha 29 bloaz, dreist-holl ar re en em gav ar pellañ eus ar rouedadoù sevenadurel hag arzel, ha da gentañ er c’hornadoù-bro ‘lec’h ma vez an dibaotañ ar servijoù sevenadurel.

Pedet eo an holl re a labour war dachenn ar sevenadur, ar stummañ pe an harp d’ar re yaouank da respont dezhañ en ur genlabourat ha lakaat ar re yaouank e-barzh an taol kement ha ma c’hellint : frammoù harpañ (obererien ar c’henemprañ, kefridiezhioù lec’hel…), aveadurioù sevenadurel, kevredigezhioù oberiant war dachenn ar sevenadur pe an deskadurezh pobl, embregerezhioù sevenadurel (embannerien, levrdiourien, produerien pladennoù pe filmoù…), kumunioù, liseoù (evit obererezhioù ha ne c’hellont ket bout arc’hantaouet gant ar stignad Karta, a skoazell raktresoù al liseoù) hag aozadurioù stummañ, skipailhoù arzel…

Evezhiadenn : ne c’hellor ket degemer an abadennoù hep liamm ebet ouzh un obererezh sevenadurel war hir dermen (fest, leurenn-lañs ha traoù seurt-se o-unan) ha da eil e tremeno ar raktresoù a zo ul lodenn eus obererezh boas ar frammoù, nemet e vefent un digarez da vont war tachennoù nevez, e lec’hioù nevez pe da skoulmiñ kevelerezhioù nevez-flamm. Spered an 3^e galv-se : kas war-raok ar c’hevelerezhioù etre obererien eus ar c’henemprañ hag obererien sevenadurel hag arzel, ober traoù war hir dermen, ergerzhet an holl ziskiblezhioù arz ha, dreist-holl, lakaat ar re yaouank e-kreiz ar jeu da vat !

Penaos respont d’ar galv da raktresoù ?
Sellit ouzh ar fichenn bleustrek evit gouzout penaos ober, pellgargit ha kasit ho teuliad emstrivañ a-raok an 12 a viz Mae 2014.

Titouroù : http://www.bretagne.fr/internet/jcms/prod_204859/projets-culturels-place-aux-jeunes-2014-2015

Lakaat e anv en 11^vet kenstrivadeg etreliseoù ar sonerezh hengounel a c’haller ober bremañ.

Lakaat e anv er genstrivadeg : [Pellgargañ ar furmskrid]

Berzh en doa graet ar genstrivadeg-mañ er bloavezhioù 1990, ha drezi hon doa gellet klevet sonerien donezonet e-giz Karma, Spontus, Menestra, Hamon-Martin, Sko Barzh…

D’ar 25 a viz Ebrel e vo dalc’het ar genstrivadeg e 2014, en añfiteatr al lise Felix an Danteg e Lannuon (22).

Gant an amzer zo bet er bloaz-mañ diouzh ar goañv, ne vo ket aezet mont a-enep d’ar c’hliched dalc’hus-se… ha chom a ra stag evel ar goap ’ba Bro-Gerne !

Neuze ’ta, gwir pe gaou ? Muioc’h a c’hlav a ra e Brest evit e Biarritz pe get ? Ha mojenn ar seizh amzer e-korf un devezh, kliched pe get ?

Sell aze tem pennañ pemvet rann ar rummad web « Klichedoù Breizh » kenbroduet gant BCD, LB Krouiñ ha Chadennoù skinwel lec’hel Breizh.

Emgav neuze war chadenn web klichedoù breizh war lec’hienn BCD.

Roiñ da welet ha da gompren Breizh hag he istor liesseurt, sell aze pal uhel Bretania, Porched nevez-flamm sevenadurioù Breizh (www.bretania.fr). E penn ar raktres emañ Rannvro Breizh, ha buhezet eo gant ar gevredigezh Bretagne Culture Diversité/Sevenadurioù. D’ar 14 a viz C’hwevrer, en Oriant, eo bet lañset ez-ofisiel gant Ronan Koadig, prezidant BCD, asambles gant Jean-Michel Le Boulanger, eil-prezidant ar Rannvro war ar sevenadur.

Ur gwir zor digor war holl zanvez sevenadur ha glad ar vro eo Bretania, a zo harpet hirie war ur rouedad dek perzhiad bennak (Kreizenn an Enklaskoù Breizhek ha Keltiek, Cartolis, Gwarez Filmoù Breizh, Dastum, Dépêche de Brest, INA Atlantel, servij renabloù ar C’huzul Rannvro, levraoueg niverel Skol-Veur Roazhon 2, levraoueg Rennes Métropole, KSDK). Kenlabourerien ar Porched int, ha bodet eo bet gante o dafar dre glewed pe dre weled, bet dastumet gante pell zo ha niverelaet c’hoazh, evit lakaat un 350 000 diell niverelaet bennak, ha pennadoù-skrid da heul, e kerz an holl dud.

Petra zo da welet ?

Deus enlivadurioù ar Grenn Amzer da bennadoù kazetennoù a-raok ar brezel, en ur gontañ ar c’hartennoù-post kentañ bet embannet e penn-kentañ an xx^vet kantved, e c’haller lâret eo divent danvez sevenadurel Breizh. Ur sell war an holl zielloù liesseurt ha niverus-se zo roet war Bretania, ha kinniget int e meur a stumm : soniadoù, videoioù, skeudennoù ha testennoù.

• Danvez dre glewed ha dre weled dibar a gaver e dielloù ar glad dre gomz bet dastumet pell zo a-hed ar bloavezhioù, hag a zo kinniget gant ar gevredigezh Dastum : kanaouennoù, sonerezh, kontadennoù, mojennoù, resitoù ha testenioù ;
• Ar renabloù glad ha tier : berrdielloù zo bet savet gant Servij renabloù ar C’huzul Rannvro war glad an tier hag an arrebeuri dibar zo e Breizh ;
• Dielloù ar c’hazetennoù : an holl bennadoù-skrid bet embannet etre 1886 ha 1944 zo kinniget gant Dépêche de Brest, anv kentañ an Télégramme ;
• Dielloù kleweled : tamm-ha-tamm e vez bodet skeudennoù deus buhez an dud er vro gant Gwarez filmoù Breizh hag an INA Atlantel ivez ;
• Skeudennoù, kartennoù, dornskridoù ha levrioù ral : un 70 000 kartenn-bost deus gwechall er vro zo kinniget, da skouer, gant Cartolis, diaz roadoù Kreizenn kartennoù Baod ;
• Hag ivez kannadigoù ar c’helc’hiadoù gouiziegien, levrioù a denn d’an enklaskoù er skolioù-meur (Roazhon 2), dastumadegoù ar mirdioù, « Tabletennoù Roazhon » levraoueg niverel Rennes Métropole, teuliadoù KDSK ha Kreizenn an Enklaskoù Breizhek ha Keltiek (CRBC).

Ul lusker enklaskoù efedus-bras war veur a ziaz titouroù

Roiñ tro d’an holl dud da gaout anaoudegezh war an tammoù-se deus hêrezh Breizh, evit kompren anezhi gwelloc’h, evit roiñ da c’hoût da dud all, evit krouiñ diwarni, sell aze pal pennañ mediaoueg an xxi^vet kantved-se.

Trawalc’h e vo d’an implijerien klikañ amañ hag ahont, kinnig un nebeud gerioù alc’hwez d’al lusker enklaskoù, ha kaset e vint war-eeun d’an danvez a zo strewet war ar web, hirie c’hoazh, e-barzh diazoù roadoù ar berzhidi.

Emsavoc’h e vo ar genlabourerien, o deus bet miret bev hêrezh Breizh a-hed o bloavezhioù dastum ha niverelaat, pa vo lakaet war-wel da vat o dielloù war ar Porched ha kaset ar wiaderien da furchal pelloc’h o lec’hiennoù, a zalc’ho da vezañ meret gante.

A-bouez eo an danvez ouzhpenn a zo degaset gant Bretania (teuliadoù dre demoù, rizennoù, kartennoù, videoioù) d’an dielloù en o doare kentañ : aezetoc’h a se d’an dud kompren an dielloù-se. Ul lodenn vras deus labour BCD eo.

Ur vediaoueg vev ha cheñch-dicheñch, bouetaet ingal

Ne chomo ket an traoù a-sav e-giz m’emaint war Bretania en dazont : ur Porched bev eo da vat, ha bouetaet e vo ingal gant danvez nevez, kaset ivez gant perzhidi nevez, a grogo tamm-ha-tamm da labourat e-kreiz ur rouedad.

Mont da gaout perc’hennien war an diazoù roadoù, ha kinnig dezhe kenlabourat a-benn talvoudekaat o dielloù war ar Porched, sell aze unan deus kefridioù all skipailh Bretagne Culture Diversité/Sevenadurioù.

War ar memes tro e vez ar skipailh o labourat evit ma vefe diskouezet danvez ar Porched war lec’hiennoù all, gall (Gallica) pe deus broioù all (Europeana) hag evit ma c’hallfe danvez Breizh mont ha dont digabestr war ar web hag er bed.

Gallout a rit adkavout war ar Rouedad ar bras eus ar skeudennoù miret gant Dastum : 1500 skritell ha tremen 20 000 kartenn-bost ! An holl dielloù-se a zo bet niverennet e 2013 hag e c’hallit bremañ sellout ouzh ar skeudennoù-se war hoc’h urzhiataer.
>> Lec’hienn Dastum

Prezegenn d’ar gwener 8 a viz du 2013 adalek 6e30 noz er Paper timbr, 39 straed Dinan e Roazhon, e-touez ar rummad Bécédia, skol-veur bobl.

Ha posubl e vije ur gevredigezh hep gouel ?
Petra eo ober ar gouel ? Perak e vez graet ar gouel ? Peseurt roll sokial a zo gant an emgavioù gouel ? Hag evit echuiñ savet e vo ar goulenn « Ha posubl e vije ur gevredigez hep gouel ? » .

Evit eskemm war ar goulennoù-mañ pedet e vo : Laurent-Sébastien Fournier, denoniour, Christophe Moreau, sokiologour ha Glenn Jegou, rener arzel Yaouank. Da heul ar brezegenn e vo komzet, holl asambles.

Digoust, aozet e-touez Gouel Yaouank, gant sikour Skeudenn Bro Roazhon.

Pour sa première, Bécédia, l’université populaire itinérante de BCD/Sevenadurioù, avait invité Monsieur et Madame Giraud pour nous retracer l’itinéraire original d’Émile Masson, jeune Brestois engagé dans le mouvement des Universités populaires né au temps de l’Affaire Dreyfus, et de sa compagne Elsie Wright, originaire du pays de Galles.

Depuis Pontivy où ils s’installent en 1904, ils diffuseront un idéal d’éducation libertaire qui revendique la reconnaissance de la langue bretonne comme un facteur essentiel d’émancipation populaire. À l’issue de cette conférence, un débat avec le public sur la place des universités populaires dans notre société contemporaine fut organisé. Plusieurs intervenants étaient conviés à venir témoigner de leurs actions : Ivonig Le Merdy (présidente d’Emglev Bro an Oriant), Claude Le Gouill (président de Rhizomes), Jean Le Bohec (président de l’Université populaire coopérative « d’Ici et Là-bas ») accompagné de plusieurs représentants, et Claude Chrestien (président de l’Université du Temps Libre de Lorient).

L’enregistrement de la conférence est disponible dans la rubrique « Bécédia » de notre site : [écouter la conférence].

Le Cycle Bécédia se poursuit ! Rendez-vous dans l’agenda du site de BCD pour connaître l’ensemble des rendez-vous.

[pe2-gallery album=”http://picasaweb.google.com/data/feed/base/user/106986264932470884726/albumid/5932381384966767249?alt=rss&hl=en_US&kind=photo” pe2_gal_format=”phototile” pe2_phototile=”400″ pe2_img_align=”center” ]