La Liance pour la Pargardance des ouéziaos (LPO) fut levée ao maez de jenvier 1912 pour mettr a bâs en Bertègn la turie des perrots-de-mè, qe la chace avaet tourné en industrie touristiqe. Erqenûe de serviabletë publliqe depés 1986, la LPO ét menée par Allain Bougrain-Dubourg. O pus de 400 gaijës en France e pus de 45 000 ahérdous, la LPO-la ét la permiere consorterie de pargardance de la nature en France.
Permier, o s'taet enchevi de sieudr les aires-nijot naturales e de s'ataïner aprés la marchanderie de plleumes de ouéziaos. Dedepés, la LPO s'ét forcie su le métier, o done des eviz siançous e perpoze eyou lever des aires-nijot naturales. Su son emplla ét esplliqë q' « o sa rezille de déléguézons, la LPO ét yeune des permieres aires-nijot d'aires naturales, permier den les varvatieres q'o n-n'ét yun des principaos menous istoriqes. O demene pus de 20 000 coupls de journées de terre d'enmi naturaos evâillées su 130 empllas [...] ». O ses ahérdous a paisser deden ole a levë 20 000 ringales pour les ouéziaos, etout.
Parai come sa consorte Bretagne Vivante (Bertègn Vioche), la LPO ét den le câs d'enterprindr e d'aler partie civile cant qe n-i a des siens a aler contr les lais q'ont a-revaer o la pargardance de l'entour.
Biao q'o fut levée en Bertègn, son métr-ôtë ét a Rochefort en Charente-Maritime. N-i a pâs-meins eune estacion de ouézelerie menée par la LPO a l'Ile-Grande den le Tregor. Ole a le dret de reqheudr des ouéziaos saovaijes a sour fin de les souégner, de cai q'i s'erive ben des fais o les batiaos a degazer ao champa parème
