Contrat de rançon de Yves de Quellen, ligueur, fait prisonnier par Pierre de Boiséon lors de la prise de Tréguier en novembre 1589

(Crédits : AD Côtes d'Armor, 2 E 81)
Auteur : Hervé Le Goff / décembre 2016

Contrat de rançon de Yves de Quellen, ligueur, fait prisonnier par Pierre de Boiséon lors de la prise de Tréguier en novembre 1589 Crédit : AD Côtes d'Armor, 2 E 81.

Contrat de rançon de Yves de Quellen, ligueur, fait prisonnier par Pierre de Boiséon lors de la prise de Tréguier en novembre 1589 Crédit : AD Côtes d'Armor, 2 E 81.

Contrat de rançon de Yves de Quellen, ligueur, fait prisonnier par Pierre de Boiséon lors de la prise de Tréguier en novembre 1589 Crédit : AD Côtes d'Armor, 2 E 81.

Noble et puissant Yves de Quellen, sieur de Loquevel, Kermartin, Le Plesseix, etc., tenant la partye des princes de l'Union, ayant prins prisonnier de guerre a la prinse de la ville de Lantreguier le dixseptiesme du presant moys noble et puissant Pierre de Boiseon, sieur de Cheff du Boys et de Goudelin qui estoit tenant le party contraire, a accorde et compose avecques ledit sieur de Cheff de Boys pour sa ranson et liberation de sa personne moiennant la somme de cinq cenctz escuz sol a valloir a laquelle somme noble home Nicollas de Kermoissan, sieur de la Villeneuffve, a paye presantement comptant audit sieur de Locquevel, pour et en acquict et liberation dudit sieur de Goudelin, cent escuz sol, le parsur qu'est quattre cenctz escuz sol ledict sieur de Cheff du Boys promect et s'oblige sur le gaige obligation et ypothecque de toutz et chacuns ses biens meubles et herittaiges et par son serment payer audit sieur de Locquevel en deux termes: cent escuz a Nouel prochain venant et le paranssur a Pasques ensuilvant aussi prochain. Et pour assurance de tout ce ledict sieur de Chef du Boys a baille a plege et caution audit sieur de Locquevel led sieur de la Villeneuffve et Jan Gouriou, sieur de Sainct Hernin, presantz en personnes quilz se sont mys et constitues en ladicte pluyne (plege?) insolidum l'un tenu et oblige pour l'aultre, deux et chacun du tout et pour le tout o les renonciations au benefice de division, ordre de discution de personnes et biens allegues, sur pareilles obligations, ypothecques de biens et serment que davant par ce que ledit sieur de Chef de Bouays a promis les liberer et acquicter vers ledit sieur de Locquevel et tous aultres de ladicte pluyne sans perte ny domaige, mesmes restituer audict sieur de la Villeneuffve lesdictz cent escuz par luy cy devant debourses et aultres cent escuz qu'il poyera a Nouel audit sieur de Locquevel et ce dans le premier jour de janvier prochain venant, sur pareilles obligations et ypotheque de biens et serment que davant o execution paiee (?) en iceulx comme gaiges jugees par court faict groye et jure par la court de Guingamp o submission et prorogation de juridiction y juree condempnes a leurs recqueste ad ce tenir soubz les signes desdictes partyes et de nous Yves Jegou et Pierre Le Goff, nottaires et tabellions de ladicte court, a leur recqueste le gre prins en la ville de Guingamp ches ledit Gouriou, le vignt sexiesme jour de novembre lan mil Vctz quattre vigntz et neuff. Et sy aultres viennent demander auchune aultre ranson dudit sieur de Chef de Bouays pour cause de ladicte prinse, ledit sieur de Locquevel promect tout acquict, garantaige et indempnitte vers tous et contre toutz, par ce moyen ledit sieur de chef du boys eslargy pour se retirer a sa maison et ailleurs ou il vouldra aller. Et promect ledit sieur de cheff du Bouays aller en la compagnye dudit sieur de Locquevel trouver monseigneur le duc de Mercoeur et de Penthievre dedans quinze jours prochains venant ; plus a ledict sieur de la Villeneuffve baille audit sieur de Locquevel, a valloir sur lesd cent escuz au terme de Nouel, douze escuz sol de tout le quicte, laquelle somme de douze escuz led sieur de Locquevel a prestes audit sieur de Cheff du Bouays qu'il luy poyera audit terme de Nouel prochain. Ainsin signe sur loriginal desmeure audict Le Goff, Yves de Quelen, Pierre de Boiseon, N. de Kermoisan, J. Gouriou, Y. Jegou, P. Le Goff.

Y. Jegou, P. Le Goff.

Noble homme Nicollas de Kermoisan, sieur de la Villeneuffve, a paye et sollu presantement a noble et puissant Yves de Quellen, seigneur de Locquevel, aussy y desnomme acceptant, la somme de quattre vigntz huict escuz d'or sol a valloir en la somme restee par led acte et ce pour et en acquict de Noble et Puissant Pierre de Boiseon, Seigneur de Cheff du Boys desnomme en pareil par led acte, de laquelle somme de cent escuz par led seigneur de Locquevel prins et emportte a quicte et quicte led sieur de Cheff de Boys en la personne dudict syeur de la Villeneuffve sans desroger au surplus du contenu audict acte faict gree et jure par foy, sermant, obligation de biens par la court de Guingamp o submission et prorogation de juridiction y juree condampne. A Guingamp au tablier de Jehan Gouriou, sous les signes desd sieurs de Locquevel et la Villeneuffve, le troisiesme jour de decembre mil cincq cens quattre vingtz neuff appres midy,

Yves de Quelen, Gouriou (signatures autographes)

CITER CET ARTICLE

Auteur : Hervé Le Goff, « Contrat de rançon de Yves de Quellen, ligueur, fait prisonnier par Pierre de Boiséon lors de la prise de Tréguier en novembre 1589 », Bécédia [en ligne], ISSN 2968-2576, mis en ligne le 5/12/2016.

Permalien: https://bcd.bzh/becedia/fr/contrat-de-rancon-de-yves-de-quellen-ligueur-fait-prisonnier-par-pierre-de-boiseon-lors-de-la-prise

Proposé par : Bretagne Culture Diversité