Lidet eo bet digoridigezh burev BCD/Sevenadurioù Breizh staliet e Sant-Brieg d’ar meurzh 17 a viz mae tremenet. Pedet e oa bet izili ar c’huzul merañ ha kevelerien BCD/Sevenadurioù Breizh evit-se d’an devezh-se.

Staliet eo ar burev-mañ e Ti ar Vro/L’ôté war porzh al Légué. Servijout a raio deomp da lakaat kefridioù ha labourioù BCD/Sevenadurioù Breizh muioc’h war well ha da sevel raktresoù gant aktourien sevenadurel ar vro. Jérôme Floury a vo staliet hanter amzer e Sant-Brieg hag hanter amzer en Oriant.

25 doser e brezhoneg skrivet gant arbennigourien anavezet a zo kinniget bremañ war an arload savet gant Bretagne Culture Diversité. Lakaat da anavezout Breizh, he istor, he identelezh, he glad, setu palioù ar benveg-mañ aboae ur bloazh bremañ.

Tri doare a zo da dizhout an danvez evit an implijer : pe dre an temoù (istor, tudoniezh, yezhoù, douaroniezh ha glad dre gomz), pe dre ur rizenn amzer pe c’hoazh dre ur gartenn etreoberiant (douarlec’hiet e vez an doserioù).

Kemennadennoù « push », kinniget evel degouezhennigoù war Breizh, a gelaouo an implijer pa vo deus doserioù nevez staliet war Breizh App.

Na c’hortozit ket, pellkargit Breizh’App !

[bloc-gris]

Berr ha berr, petra eo Breizh’App :

• Un arload divyezhek (galleg-brezhoneg),
• 95 doser e galleg,
• 25 doser e brezhoneg,
• Tu’zo d’an implijer bezañ douarlec’hiet. Kinniget e vo dezhañ an doserioù tost deus al lec’h m’emañ ,
• 499 skeudenn,
• 70 skrivagner.

Pevar doser nevez bep miz a vo kinniget gant Bretagne Culture Diversité war an arload Breizh App.

Pellkargit evit Android : https://play.google.com/store/apps/details?id=com.bcd.breizhapp

Hag evit iOS : https://itunes.apple.com/app/id914794602

[/bloc-gris]

Emañ an abadenn radio “sevenadurioù” diwezhañ enlinenn. Gouestlet e oa ar miz-mañ d’a rouedadoù.

Komzet ez eus bet deus Bretania.bzh, porched sevenadurioù Breizh, deus rouedadoù labour BCD/Sevenadurioù Breizh, deus ar gevredigezh Dastum ha deus an arload Stag.

[Da selaou en dro dre amañ]

Un nozvezh evit enoriñ Philippe Durand, aozet gant Gwarez filmoù, a vo dalc’het d’ar gwener 26  a viz c’hwevrer 2016 adalek 8eur noz e sinema Studios e Brest.

Philippe Durand (1932 – 2007) a zo bet barzh, kazetenner, senarier ha sevener evit ar sinema hag ar skinwel. Sevenet en deus ivez un hanterkant film bennak, re verr ha re grenn, e 35 mm ha 16 mm. En o zouez, Le Pays blanc (1975) ha Yezh ar vezh (1979) a ziskouez pegen tomm e oa ouzh e vro hag he yezh.
Gwarez Filmoù ha Chantal Durand, e wreg ha frammerez an darn vrasañ eus e filmoù, a ginnig deoc’h enoriñ ar sevener gant un dibab tri film.

KEMENNADENN D’AR GAZETENNERIEN – Nozvezh Philippe Durand 26 a viz C’hwevrer 2016

Emañ an abadenn “Sevenadurioù” diwezhañ enlinenn, da bellgargañ war lec’hienn radiobreizh.net.

Petra eo ur vro ? Pegen lies eo ar respontoù pa vez savet ar goulenn-mañ !
Perak ez eo ar broioù e Breizh un dra gwriziet ken don e kalon an dud ? Deus pelec’h e teu ar santimant ken kreñv da vezañ eus “ur vro” ?
Ha deus peseurt broioù emaomp o komz ? “Hengounel”, “istorel”, “Voynet”…

[bloc-gris] An abadenn :

Tu zo deoc’h selaou abadennoù all war ar bajenn : Sevenadurioù-radio.

[/bloc-gris]

Evit ar wech kentañ, estreget tammoù deus ar filmoù sevennet gant Christophe de Ponfilly war an Afghanistan, en o zouez Massoud l’afghan, kinniget e vez gant BED ur film war ar vuhez pemdez e  Hérat, e kornôg ar vro.

L’empreinte a zo ur film bet savet e 2008. Troet eo bet hep arc’hant met en ur zoujañ ar muiañ posubl ouzh ar vro. Guillaume Bordier, ar sevennour, en deus bevet er geriadenn vihan-mañ e pad un toullad bloavezhioù. Distroet eo en un ti-form gant ar c’hoant filmañ labour ar baraerien.
Kinniget e vez gantañ ur film leun a wirionnez hag a gizidigezh. Treuzkas a ra dre e skeudennoù diaesterioù labour ar baraerien en ur lakaat an den e-kreiz ar gaoz. Da sellet !

[Lec’hienn bed.bzh]

Un taol sikour evit Nedeleg ? Prenit DVD ar web-heuliad « Gwir Vretoned » ! Berzh a ra an heuliad web-mañ : 225 000 gwech gwelet war ar web ! !

Kinniget e vez ur rummad 12 filmig 2 vunutenn pep hini. Respontoù da c’houlennoù war Breizh eo ar pal, ur seurt « foer ar goulennoù » dre tu ar c’hozh kaozioù war ar vro. Da skouer : E Breizh emañ al Liger Atlantel ? Hengounel eo baniell Breizh ? Hentoù digoust e Breizh… Trugarez da Anna Vreizh ? Glav a ra ingal e Breizh ! Ar vretoned, ar re gentañ war an alkool…

Kinnig a ra an DVD-mañ 24 rann e galleg, 10 rann e brezhoneg ha 12 rann istitlet e saozneg.

Kenbroduet gant Bretagne Culture Diversité, LB Krouiñ ha rouedad ar chadennoù TV lec’hel.

E gwerzh : 15 € e pep stal.

Gellout a reer goulenn an DVD da BCD/Sevenadurioù en ur kas ur chekenn 19 € (15 € + 4 € frejoù kas) d’an 3, bali Cosmao Dumanoir – 56100 AN ORIANT.

http://bcd.bzh/cliches-bretons-un-dvd-pour-lete/
Rannet gant Coop Breizh.

Ur chadenn video a zo bet lakaet enlinenn nevez’zo gant BCD/Sevenadurioù. Gouestlet eo d’ar raktres Bazhvalan / Baçadou. Adkavout a rit c’hwec’h atersadenn gant Daniel Giraudon, enklasker, a zegaso kuzulioù evit ar re a fell dezho mont e darempred gant brezhonegerien a-vihanik.

Perak mont e darempred gant brezhonegerien a-vihanik ? Penaos kaout un eil emgav ? Tammoù respont a vo degaset deoc’h gant ar chadenn nevez-mañ dre ar rann dafar->video.

Degas a reomp soñj deoc’h emañ al lec’hienn Bazhvalan enlinenn. Ar gartenn etreoberiant a zo da welet war www.bcd.bzh/bazhvalan. Loc’het eo bet an eil tamm, hini Baçadou (gallaoueg). Mathieu Guitton a raio war dro renabliñ ar re a zo a-du da lakaat e darempred an dud e bro c’halo. Evit skrivañ dezhañ : bacadou@bcd.bzh.

Bretagne Culture Diversité / Sevenadurioù Breizh, asambles gant Bro Kornôg Kreiz-Breizh, o deus lidet, d’ar yaou 3 a viz kerzu tremenet, renabl-perzh ar glad sevenadurel dizanvezel e tachennad kornôg Kreiz-Breizh.

Treuzkaset a rann oadoù da rann oadoù hag adnevesaet ingal, kavout a reer ar glad sevenadurel dizanvezel (GSD) er pratikoù sokial, lidoù ha festoù, gouiziegezhioù ha pleustroù diwar-benn an natur hag an hollved… ha dalc’het gant an holl. Evit gwareziñ ha skignañ ar glad bev-se ez eo bet savet ur goñvesion e 2003 gant an UNESCO war ar GSD. Evit an UNESCO e rank ar glad dizanvezel-se bezañ anavezet gant ur strollad tud evel ur glad a-stroll. Lakaat a ra ar goñvension-se ar re a dreuzkas ar glad-se e kreiz ar jeu.

En ur kemer mennozhioù ar goñvension-mañ e fell da BCD/Sevenadurioù Breizh, asambles gant Bro Kornôg Kreiz-Breizh lakaat e plas ur renabl-perzh war ar bro. Meur a palioù a zo gant ar raktres :

• Kompren penaos e vez bevet ar glad sevendurel dizanvezel gant tud ar vro ha brudañ anezhañ d’ar brasañ niver.
• Komz deus ar glad-mañ en ur daremprediñ gant aktourien lies ar GSD en ur dastum alioù an holl.
• Brudañ al liesseurted sevenadurel evit lakaat war well ar vro hag ar bobl.

Sikouret eo ar raktres-mañ gant Minister ar Sevenadur hag ar c’hehentiñ Bro-C’hall ha gant rannvro Breizh.

Kemer a raio perzh BCD / Sevenadurioù Breizh er c’hendiviz « treuzkas ha kelenn sonerezhioù an hengounioù dre gomz » aozet gant Drom e-pad festival No Border#5.

Evit an trede bloavezh da heul e vo aozet, gant kevredigezh Drom, ur c’hendiviz diwar-benn treuzkas ha kelenn sonerezhioù an hengounioù dre gomz. Klaskerien, sonerien, pedagogourien a zivizo diwar-benn ar goulenn-mañ : «Treuzkas, kelenn, deskiñ, adtaolenniñ, drevezañ, laerezh : peseurt choazoù ober ha perak ? Ar roll-labour, ar skritell hag ar follenn-nij stumm niverel a gavoc’h amañ stag.

Ar c’hendiviz-mañ a vo aozet e stern ar festival NOBORDER#5, anezhañ ur festival sonerezhioù pobl ar bed. E Brest e vo, eus an 10 d’an 13 a viz Kerzu.

http://www.festivalnoborder.com/

[bloc-gris] Roll-labour :

Yaou 10 a viz Kerzu 2015

Er c’hQuartz

9e30 : Banne kafe da zegemer an dud

10e00-10e30 : Prezegenn digeriñ

10e30-12e30 : Traoù bet graet : peseurt goulennoù, peseurt respontoù, peseurt suradennoù (!), peseurt kantreadennoù ?

2e00-3e10 g.k. : Bannet e vo ar film Growing into music gant Lucy Duran. Kevelet gant an FAMDT.

3e30-5e00 g.k. : En em soñjal : an doareoù da dreuzkas.

Gwener, 11 a viz Kerzu 2015

Er c’hQuartz

10e00 : Banne kafe da zegemer an dud

10e30-12e00 : Peseurt politikerezhioù evit treuzkas sonerezhioù an hengounioù pobl ? Kevelet gant BCD / Sevenadurioù Breizh.

12e00-12e30 : Petra ‘zo nevez e-keñver an treuzkas.

E skol-veur Victor Segalen

2e00-4e00 g.k. : Prezegenn gant Johanni Curtet. Klask, seniñ ha treuzkas. Un istor dic’hortoz gant ar c’han khöömii (kan kendon eus Bro Mongolia).

Kevelet gant Skol-Veur Breizh-Izel, UFR Lizhiri, Yezhoù ha Skiañtoù an Dud hag al LABERS.

E sinema Les Studios

5e00-6e00 g.k. : Bannet e vo an teulfilm Quatre saisons gant Pauline Burguin. Diviz da heul. [/bloc-gris]

Roll No Border e video :