Roland Brou

Kaner ha skolaer eo Roland Brou. Gwall blijet e oa gant ar c’han treuzkaset dre gomz pa oa krennard, ha n’eo ket cheñchet abaoe. Aet eo da bep lec’h da glask war lerc’h ar c’han hengounel : da zastum anezhañ gant kanerien, da adkavout anezhañ e dielloù dre skrid, pa vefent skrivet gant an dorn pe moullet. Alies e weler Roland Brou war lec’hiennoù festoù-noz ha sonadegoù. E stajoù hag e stalioù kan e klever anezhañ ivez o treuzkas e c’houiziegezh. Diazezer ha prezidant Dastum 44 eo bet, a-raok dont da vezañ ezel eus kuzul-merañ Dastum.