Ar gerioù-diskouezañ e galianeg gant S (so, sosin /-sin) evel en iwerzhoneg (an fear seo /s'o/ this man) a glot gant ar "Brythoneg" (predeneg) H (hal, halen, holen / sall & sel). Hogen an eil hag egile a gaver e brezhoneg (evel a brou an atlasoù) : se (se zo gwir / n'eo ket gwir an dra-se) /-he (an dra-he / an dra-ze) ; sin a glot gant henn (evel-henn, beteg-henn, hennezh / he(n)mañ & henhont, benel ho(u)n- /-hwn...) ; e brezhoneg Gwened eo bet miret N sen dirak vogalennoù (marsen ema, neuzen e vo evel Poher matre'n / marteze, neu'n). Ur skouer all (H/S) : ar c'heltieg kozh sucaros, gouezeleg so- (sochar) a glot gant ar brezhoneg he- (hegar, hegarat, an Hegaret), kembraeg hygar (smiling) evel e gwerzenn Ivonet Omnes : "An guen heguen (ar wenn hewen) am laouenas" !
