Yannick Larvor - Plourac'h

Yannick Larvor a gont deomp petra eo e vicher ober predoù ha frikoioù evit tud ar vro.

 

Kavit a-zindan stumm komzet ha stumm skrivet an atersadenn :

Testenn e brezhoneg komzet notennet gant Lors Jouin :

Lors : C'hwi 'zo ' labourat amañ med c'hwi ' ra frikoioù ha toud amañ

Yannick : Ya

Lors : Ha setu me ' glev un tamm partoud lar' kalz c'ha da jerriñ koa hag 're 'ra se 'ba lec'h ell kalz, deusoute neus kudennoù, trubulhioù

Yannick : Ya

Lors : Hag a zo 'hont da jerriñ ha c'hwi feus minioc'h miniañ a labour setu deus da joñj dit petra zo kaoz feus minioc'h miniañ

Yannick : Me n'oun ket petra zo kaoz med me 'zo 'hont da vé nao vlâ war 'n ugent 'c'h or sé pugur ma komer' ma goñvers ahe ar blâ mil nao c'hant per ha per ugent, ma dud kozh raent ket prejoù na traoù mod­se, ha me ma bet un ti 'oa devet ahe ar blâ un ha per ugent hag... pé komer't ma prenet an amplasamant ma gret ur sal ha komañset d'or prejoù mod­se setu gwir é 'baoe nao vlâ war 'n ugent 'zo m'eus bet derc'het d'or hag bon m'eus bet derc'het memes mod reï traoù d'an dud, laka plijadur 'mesk an dud tae ahe da brejiñ, kan' un tamm dê, son' un tamm dê ga' ma akordéon, lak' an dud 'ba o jeu pé taint ahe, hag matren sé 'zo un tamm kaoz 'zec'han kaoud tud pugur gwir bon bremañ gant « vallée ar zent » deus Karnod ahe 'ta vorzh tud amañ, med 'raog dijà me 'ma tud pugur me me m'eus ket bet graet 'met prejoù groupchoù me kerez 'ran ket prejoù bemdéz 'vid 'n ouvrierien ha traoù mod­se med med groupchoù hag m'eus bet derc'het kaout tud, ya, dern 'welan ya neuint muioc'h 'boan med bon 'wechoù red é bez deus ar vro, matren kont' un tamm brezhoneg, sé 'joukour è kar lar't vé din alies: « a gast amañ... omp 'vel 'ba' r yêr, amañ n'om sentomp aes » hag ac'han' hag alese, hag kaozeal deus an dud pé n'om ga'ent, hag or an tu dionte è koa ,paeo ur bann'c'h dê 'ba'r fin, voilà...

Lors : Ya ya ya

Yannick : Kalz dammoù traoù mod­se

Lors : Ya ya ya ya

Yannick : Ya

Lors : Hag ar prijoù ?

Yannick : Hag ar prijoù è ya faot ket bez re « gourmant » war ar prijoù da, bon sé m'eus bet esaet dac'hmad respektiñ ar c'hlianted, derc'hen prijoù pas re uhel da bep hin' da gaout e gont, me da gaout ma gont ha d'ar c'hlianted da vé kontant pé c'heint kuit, kar pé veint kontant pé c'heint kuit 'gontaint d'ar re ell, hag alies taint war o c'hiz med alies 'ta ar re ell skeud è

Lors : Ya ya ya setu ur wech int deut ur wech

Yannick : Ya

Lors : Alies teuint 'darre

Yannick : Ben mod­se 'mañ, koa, med ar c'honvers 'zo mod­se, mod­se toud an hin' neud d'or gan' dud é ret tañ goud komer nê n'on laket aes gante hag or plijadur dê

Lors : Ya ya ya

Yannick : A mod­se c'ha ar vrud

Lors : Ya ya

Yannick : Me m'eus ket bet graet « publicité » mod­ell

Lors : Nann

Yannick : Nann

Lors : Ha koulskoude feus brud vad koa

Yannick : Ya anfin me n'an ket da lar' sé me­un'n...

Lors : Nann

Yannick : Me 'leusk ar re ell d'or...

Lors : Ya

Yannick : Med memestra 'ran 'tre deg ha daouzeg mil a dud ar blâ 'paseal, paseal amañ da zibiñ prejoù 'ba Plourac'h

Lors : Hopalà

Yannick : 'tre ' pezh a ran 'ba' r yêr hag pezh a c'han d'or 'ba ' r salioù 'ba en dro dre

Lors : A ya

Yannick : Ya

Lors : Ha mont a rez pell ?

Yannick : O mont a ran, ben, apeupre war tu kanton c'han troiñ 'ran dre ahe 'ba 'r salioù, n'an ket d'or kilometchoù re med tu Karaez un tamm bihan, bon ha dern 'ta amañ è hag bez m'eus prejoù a ta deus -- gan' 'n otokarioù ha deus deus koste Brest, koste Kemper, koste Sant Brieg, koste... an Treger ahe 'ta

Lors : Hag n'ez ket koste Gwerliskin d'or ?

Yannick : Bet on bet koste Gwerliskin 'c'h or prejoù è Bolazeg Skrigneg

Lors : Ha ' vez ket goulet bord ar mor james ?

Yannick : Yeo med 'wechoù goude 'ven goulet 'laran dê rapel', hein, n'an ket koa hein

Lors : A bon

Yannick : O nann

Lors : 'Blam' betra ?

Yannick : 'Blam' m'eus trawac'h d'or dijà hag mont re bell mod­se, n'é ket 'wac'h lar't mont, med plij' 'ra din or ma labour 'vel 'zo gleet hag pé fé ur bern hent d'or 'wechoù ar salioù veint ket ekipet è memestra é ret -- me 'renk bez zur n'om ga'in d'or un dra benneket prop 'benn komer nañ

Lors : A ya, se 'zo kaoz an dud 'zo kontant 'benn ar fin, pugur 'rez mad al labour...

Yannick : Ben ya

Lors : Ha setu na neus ket brud gwelloc'h 'vid sé koa

Yannick : A nann nann nann, faot' ra -- faot 'ra d'an dud bez kontant pé c'heint kuit

Lors : Ya

Yannick : Ya

Lors : Ha sé 'zo gwir partoud 'benn ar finn

Yannick : Sé ' zo mad 'vid vorzh petra

Lors : Ya

Yannick : Ya ya

Lors : Ha memes 'ba 'r bistro é gwir è koa

Yannick : Daon' gwir é pugur bon, un den pé teï d'eun ostaliri d'eva ur bannc'h, bon, pé da gerc'hat un dra benneg 'ba 'n espisiri ma gaozeez ket gantañ deus deus toud ha vorzh petra pugur ret é dit n'on laket 'ba kroc'hen peb den, ret é dit sent' peb den ha sé, sé 'gav din, sé vé ket disket 'ba 'r skol

Lors : Nann

Yannick : Sé sentez da­on'n petamant ben 'faot dit or ur vicher ell

Lors : Ya

Yannick : Med me blij sé din, plij' 'ra an dud din, plij' 'ra din kontañ gante, jelaou nê, lar ma joñj dê a mod­se vé interesiñ nê koa

Lors : Ya ya

Yannick : Disk' a rez kalz draoù mod­se

Lors : Ya ya sé ' zo gwir

Yannick : Sé 'zo brao

 

Testenn e brezhoneg skrivet adlennet gant Francis Favereau :

Lors : C'hwi a zo o labourat amañ mes c'hwi a ra frikoioù ha toud amañ

Yannick : Ya

Lors : Ha setu me a glev un tamm partoud laret kalz a ya da jerriñ koa, hag ar re a ra se e­barzh lec'h all, kalz diouto o deus kudennoù, trubuilhoù...

Yannick : Ya

Lors : Hag a zo o vont da jerriñ, ha c'hwi ho peus muioc'h­-muiañ a labour, setu diouz da soñj dit petra a zo kaoz ho peus muioc'h­-muiañ ?

Yannick : Me n'ouzon ket petra a zo kaoz, mes me a zo o vont da vezañ nav vloaz warn­ugent oc'h ober se peogwir am boa kemeret ma goñvers aze ar bloaz mil nav c'hant pevar ha pevar­ugent, ma dud kozh na raent ket predoù na traoù ar mod-se, ha me am boa bet un ti devet aze ar bloaz unan ha pevar­ugent, hag pa moa kemeret am boa prenet an amplasamant am boa graet ur sal ha komañset d'ober predoù ar mod-se, setu gwir eo abaoe nav vloaz warn­ugent a zo am eus dalc'het d'ober, hag bon am eus bet dalc'het memes mod reiñ traoù d'an dud, lakaad plijadur e­mesk an dud a teue aze da brediñ, kanañ un tamm dezho, soniñ un tamm dezho gant ma akordeon, lakaad an dud e­barzh o jeu pa teuont aze, hag marteze se a zo un tamm kaoz a zalc'han kaoud tud peogwir gwir eo, bon, bremañ gant « vallée » ar zent diouzh Karnod aze a ta forzh tud amañ, mes araog dijà me am boa tud peogwir me, me n'am eus ket bet graet nemet predoù groupchoù mar kerez, ne ran ket predoù bemdez evid an ouvrierien ha traoù ar mod-se, mes mes groupchoù hag am eus dalc'het kaout tud ya dern a welan ya o deus muioc'h a boan mes bon, a­-wechoù red eo bezañ diouzh ar vro marteze, kontañ un tamm brezhoneg se a sikour ivez, kar laret e vez din alies « a gast... amañ omp evel e­barzh ar gêr, amañ en em santomp aes » hag ac'hann hag alese, ha kaozeal diouzh an dud pa en em gavont, hag ober an tu diouto ivez koa, paeañ ur bannac'h dezho e­barzh ar fin « voilà » !

Lors : Ya ya ya

Yannick : kalz dammoù draoù a mod-se

Lors : Ya ya ya ya

Yannick : Ya

Lors : Hag ar prizioù ?

Yannick : Hag ar prizioù ivez ya ne faot ket bezañ re « gourmant » war ar prizioù da, bon se am eus bet esaet dalc'hmad, respektiñ ar c'hlianted, dalc'hen prizioù pas re uhel, da bep hini da gaout e gont, me da gaout ma gont ha d'ar c'hlianted da vezañ kontant pa c'heont kuit, lar pa veont kontant pa c'heont kuit a gontaent d'ar re all, hag alies e taent war o c'hizh mes alies e teu ar re all skeud... ivez

Lors : Ya ya ya setu ur wech int deuet ur wech

Yannick : Ya

Lors : Alies e teuont adarre

Yannick : Ben ar mod-se emañ koa, mes ar c'hoñvers a zo a mod-se, ar mod-se toud an hini neus d'ober gant an dud ivez, red dezhañ gouzoud kemer anezho, en em lakaad aes ganto hag ober plijadur dezho

Lors : Ya ya ya

Yannick : Ar mod-se ez a ar vrud

Lors : Ya ya

Yannick : Me n'am eus ket bet graet « publicité » mod­all

Lors : Nann

Yannick : Nann

Lors : Ha koulskoude az peus brud vad, koa

Yannick : Ya, anfin me ne'z an ket da laret se ma-­unan...

Lors : Nann

Yannick : Me a lesk ar re all d'ober...

Lors : Ya

Yannick : Mes memestra a ran etre dek ha daouzek mil a dud ar bloaz o paseal amañ, da zebriñ predoù e­barzh Plourac'h

Lors : Hopala

Yannick : Etre pezh a ran e­barzh ar gêr hag pezh ac'h an d'ober e­barzh ar salioù, e­barzh en dro dre aze

Lors : A ya

Yannick : Ya

Lors : Ha mont a rez pell ?

Yannick : O, mont a ran, ben apeupre war tu kanton ez an, treiñ a ran dre aze e­barzh ar salioù, ne ehan ket d'ober kilometroù re, mes tu Karaez un tamm bihan, bon, dern a deu amañ ivez hag bez am eus predoù a teu diouzh -- gant an otokarioù ha diouzh, diouzh kostez Brest, kostez Kemper, kostez Sant Brieg, kostez an Treger aze a zeu

Lors : Hag ne'c'h ez ket kostez Gwerliskin ?

Yannick : Bet on bet kostez Gwerliskin oc'h ober predoù ivez, Bolazeg, Skrigneg...

Lors : Ha ne vez ket goulennet bord ar mor jamez ?

Yannick : Eo mes a­-wechoù goude e ven goulennet, a laran dezho « rappel », hein ne ehan ket koa hein...

Lors : A bon

Yannick : O nann

Lors : Abalamour da betra ?

Yannick : Abalamour am eus trawalc'h d'ober dijà hag... mont re bell a mod-se n'eo ket awalc'h laret mont, mes plijout a ra din ober ma labour evel a zo dleet, hag pa pez ur bern hent d'ober a­-wechoù ar salioù ne vezont ket ekipet ivez, memestra eo ret me a rank bezañ zur en em gavin d'ober un dra bennaket prop a­-benn kemer anezhañ...

Lors : A ya, se a zo kaoz an dud a zo kontant a­-benn ar fin, peogwir a rez mad al labour

Yannick : Ben ya

Lors : Ha setu n'en deus ket brud gwelloc'h evit se koa

Yannick : A nann nann nann, faot a ra, faot a ra d'an dud bezañ kontant pa'z eont kuit

Lors : Ya

Yannick : Ya

Lors : Ha se a zo gwir partoud a­-benn ar fin

Yannick : Se a zo mad evit forzh petra

Lors : Ya

Yannick : Ya ya

Lors : Ha memes e­barzh ar bistro eo gwir ivez koa

Yannick : Dao, gwir eo ivez peogwir bon, un den pa deuio d'un ostaleri d'evañ ur bannac'h, bon, pe da gerc'hat un dra bennak e­barzh an ispisiri, ma ne gaozez ket gantañ diouzh, diouzh toud ha forzh petra, peogwir ret eo dit en em lakaad e­barzh kroc'hen pep den, ret eo dit santiñ peb den, ha se, se a gav din, se ne vez ket desket e­barzh ar skol.

Lors : Nann

Yannick : Se a santez da­-unan peotramant be' faot dit ober ur vicher all

Lors : Ya

Yannick : Mes me a blij se din, plijout a ra an dud din, kontañ ganto, selaou anezho, larout ma soñj dezho, a mod-se e vez interesiñ anezho koa

Lors : Ya ya

Yannick : Deskiñ a rez kalz draoù a mod-se

Lors : Ya ya se a zo gwir.

Yannick : Se a zo brav.