Mezegelat ar maezioù

Aozer : Thierry Fillaut / Genver 2019

Nec’het eo meur a zen e karg eus kumunioù war ar maez gant an diouer a vedisined, pa vez kement outo o vont war o leve ha diaes kaout erlec'hierien evito, e Kreiz-Breizh da skouer, pe e su Il-ha-Gwilen. Gwir eo ez eus bet meur a vedisin hollek oc’h en em staliañ e kumunioù lec’h ma ne oa hini ebet betek-hen er bloavezhioù 1970 ha 80. Seul aesoc’h a-se en em stalient ma c’hellent bezañ stummet war al lec’h, evel e Penn-ar-Bed, goude ma vefe bet anavezet skol-veur medisinerezh Brest er bloaz 1970.

Pell zo eo anavezet an abegoù evit seurt digarantez evit ar medisinerezh war ar maez : chom e-unan war ar vicher, ober war-dro e bratikoù da eurioù hiroc’h eget er c’hêrioù, e-touez re all. A-viskoazh e oa gwelet ar medisin war ar maez evel ur medisin hollek deuet mat gant e bratikoù, gant ma vefe en em roet penn-da-benn d’e vicher, en un endro ekonomikel ha sokial diaes-mat. Evit-se e kintuze kalzig outo d’en em staliañ pa oa kont evel-se : nebeutoc’h a vedisined o labourat e Kornog Kreiz-Breizh e 1970 eget er bloaz 1959.

Evit desachañ medisined yaouank o deus ranket ar c’huzulioù-kêr lakaat war-raok perzhioù gwellañ o c’humunioù. Ha klasket o deus ar vedisined tremen e-biou d’o boazioù ha kenaozañ o labour, evel daou vedisin an Uhelgoad o doa divizet bezañ e karg eus o fratikoù d’ar Sul, pep hini d’e dro. Hag aet eo war-raok ar mod-se da vont en-dro abaoe un nebeud bloavezhioù, ouzhpenn-se e weler bremañ tiez-yec’hed lies-micher (43 e rannvro Breizh e 2013).

MENEGIÑ AR PENNAD

Aozer : Thierry Fillaut, « Mezegelat ar maezioù », Bécédia [en ligne], ISSN 2968-2576, mis en ligne le 15/01/2019.

Permalien: http://bcd.bzh/becedia/br/mezegelat-ar-maeziou

Bibliographie

Documentaire

  • Docteur Yoyo - Documentaire de Brigitte Chevet, 2011, 52 min. Coproduction : mano a mano, France 3 Ouest, La Case de l’oncle Doc.
    Résumé : À Lopérec, petit village du Finistère, cela fait quatre ans que l’on cherche en vain un généraliste. Jusqu’au jour où débarque le Dr Yoyo, Congolais formé en Bulgarie !
    Cote cinémathèque : 24296 [Extrait]

Kinniget gant : Bretagne Culture Diversité