Pascal Aumasson
Arseller ar sevenadurioù pobl eo Pascal Aumasson, mirour ar glad a-enor, renet en doa mirdioù arz hag istor Sant Brieg, porzh-mirdi Douarnenez, mirdi Breizh e Roazhon ha mirdi arzoù-kaer Brest meurgêr. Meur a bennad en deus bet skrivet enno al liamm etre andonioù skiantoù an den, ha lakaet en doa tal-ouzh-tal objedoù diwar dastumadennoù ar glad hag istorioù buhez (en dielloù), o tiskouez evel-se un doare gwelet an istor evel un tostaat ouzh ar c’hemmoù, kentoc’h eget ur skiant war an amzer dremenet.