Philippe Josserand

Normaliad, agregad war an istor ha bet ezel eus Skol Uhel ar Studioù spagnat hag iberat eo Philippe Josserand. Mestr-prezegenner eo e Skol-Veur Naoned abaoe 2000. Un arbennigour anavezet er bed a-bezh eo ivez war brezelioù ar Groaz hag an urzhioù-brezeliñ. Diwarne en deus skrivet al levr Eglise et pouvoir dans la péninsule ibérique ha Les ordres militaires dans le royaume de Castille, 1252-1369 (Madrid, Casa de Velasquez, 2004). Kenrenet en deus goude-se Prier et Combattre ha Dictionnaire européen des ordres militaires au Moyen-Age (Paris, Fayard, 2009). Emañ bremañ o plediñ gant urzh an Templ hag o prientiñ un danevell diwar-benn Jacques de Molay, e vestr diwezhañ, goude bezañ bet embannet Les Templiers en France (Paris, Gisserot, 2013).