Christian Bougeard
Christian Bougeard a zo anezhañ kelenner emerit war an istor a-vremañ e Skol-Veur Breizh-Izel e Brest hag ezel eus Kreizenn an enklaskoù Breizhek ha keltiek (CRBC). Arbennik eo war istor Breizh en 20vet kantved hag an eil Brezel Bed. Skrivet en deus un daouzek levr bennak ha kemeret en deus perzh e meur a levr a-stroll, kendiviz ha geriadur.
Levrioù embannet nevez 'zo : La Bretagne de l'Occupation à la Libération (1940-1945), Roazhon, PUR, 2014, Les Années 1968 en Bretagne. Les mutations d’une société (1962-1981), PUR, 2017 hag adembannadur L’histoire de la Résistance en Bretagne, embannadurioù Gisserot, 2020. Emañ o paouez embann L’évolution des forces politiques en Bretagne de la Libération au début des années 2000. Le passage d’une région de la droite à la gauche (1946-2004) e ti PUR, eil lodenn d'al levr embannet e ti PUR e 2011 (1914-1946), ha Histoire de la Résistance en France e ti-embann Gisserot e 2023.